الإثنين أبريل 27, 2015 2:03 am من طرف badroX
ماشاء الله تبارك الله
حيا الله أخواتي حوائيات عالم حواء الغاليات
يايبه لكم كبسه وااااااايد لذيذه كل اللي يذوقها يطلب طريقتها
اليوم سويتها للغداء
شوفوا حبايبي راح أشرحها لكم بالصور
تيبين الديايه وتقطعينها نصين وتنضفينها زين مازين
وعقب تحطين عليها بصل مقطع صغار وفليفله وكرفس
وتحطين بعد شنووووووووو؟؟؟؟؟؟؟؟
البهارات اللي اهيه البزار يعني بهارنا وكمون وكزبرة ناشفه ودارسين وهيل
كلهم على الديايه في الجدر قبل لاتحطينهم على النار
أيه بعد نسيت حطي مكعبين ماجي وقالبيهم
عقب حطيهم على النار من غير ماتحركينهم
لي حسيتي ضرب بالجدر وطلعت ريحه الطبخه >>>تكفخ في الراس
حطي عليهم زيت وقالبيهم عقبها حطي علبة مشروم (المشروم مو تحطين العلبه)
بعدين حطي الملح والماي الحار وتركيه يطبخ لين يستوي الدياي
شيلي الدياي وحطيه بصينيه فرن وحمريه من فوق
حطي العيش (الرز) يكون مغسلته ومنقعته ومصفيته عن الماي
لي شفتيه شرب مروقه حطي تنكه تحت الجدر وقصري على النار
وبعدين نشبيه (غرفيه)وزينيه بالبصل المقلي
وبالعافيه عليكم
لا يوجد حالياً أي تعليق